10 Best English Speech Topics for Students

 

السلام عليكم و رحمة الله و بركاته 

اهلا من سايدووكز ، المدونة التعليمية لكل استاذ/ة و طالب/ة 

اليوم حابه اتكلم عن مواضيع ممكن نستخدمها في كلاسات المحادثة .. 

مواضيع كلاسات المحادثة لازم تكون ممتعة ، مفيدة و ومتعلقة بـ مواضيع تناسب الطلاب الطالبات عشان يتبادلوا الحديث و يتحمسوا يشاركوا في الكلاس .. 

هنا راح اذكر ١٠ مواضيع متنوعة و كيف ممكن تتكلمون عنها و ايش الوسائل و الطرق التعليمية اللي ممكن نستخدمها في الكلاس 

جربت هذي المواضيع مع طالباتي ، كان مستواهم الانجليزي من متوسط و اعلى .. بعض المواضيع ممكن تناسب المبتدئين اذا انشرحت بطرق تناسب مستواهم .. 

( هنا تحصلون بعض المواضيع جاهزة ومعروضة عن طريق البوربوينت)

:و المواضيع هي

1- Things make you smile / happy 

هنا ممكن تسالون الطلاب ايش اللي يسعدكم دائما ؟ 

كيف تخلون نفسكم سعداء ؟ 

ايش اللي خلاكم تبتسم اليوم ؟ 

ممكن تورون صور لناس تضحك و تسالوهم ايش اللي فرحهم في هذي الصور .. تخلون الطلاب / الطالبات يعبرون عن الصور 

 

و هنا ممكن تستخدمون simple present او present continues

او ممكن تسالونهم عن الماضي / مثلا ايش اللي خلاهم يبتسمون امس ؟ 

و ممكن نسألهم عن الناس اللي حولهم ( اهل / اصدقاء ) 

ليش هم سعيدين / ليش ابتسموا اليوم ؟ 

• بعدها نعرض فديو من اليوتيوب عن نفس الموضوع ، يشوفونه - يكتبون نوت معاه - و يقولون ايش فهموا .. 

2- The Secret to Happiness Is Helping Others

نسالهم قد ايش تساعدوا غيركم ؟ متى اخر مره ساعدتوا احد ؟ ايش سويتوا ؟ قد شفتوا احد ثاني يساعد و اثر فيكم ؟ 

بعدها نوريهم صور ناس تساعد بعض و نخليهم يعبرون عن الصورة ، ايش يشوفون فيها و ايش هي المساعدة .. 

يستخدمون simple present او present continues 

• نوريهم فديو شخص يساعد مجموعة ناس .. ياخذون نوت و يعبرون عن فهمهم .. عن طريق كتابة جمل - او برقراف ..
• بعدها نتكلم عن اثر مساعدة الغير في الشخص . ايش هي الايجابيات و كيف ممكن تأثر في الصحة هذي المساعدة 

• 3- If you opened a business , what kind of business would it be? 

هنا ممكن نوريهم صور احد يشتغل و نسالهم ايش يسوي

 او ايش وظيفته .. 

راح يذكرون الوظايف الي يعرفونها 

و في النهاية نبغاهم يوصلون الى كلمة businessman/woman 

نتكلم عن المشاريع اللي حابين يسونها 

ايش ممكن يفتحون محلات ؟ او يبيعون ؟ … الخ 

نتكلم عن خطوات فتح مشروع / من تفكير مسبق في المشروع و الاوراق  الرسمية و ايجاد الاماكن المناسبة و البضاعة المناسبة .. 

بعدها نقرأ قطعة صغيره او مقال عن احد بيفتح او حاب يفتح مشروع .. يتكلمون عن مشروعه و كيف يخطط له و ايش هو و ايش بيسوي عشان ينجح ..

4- are you a very organized person ? 

قبل ما نسالهم السؤال 

نوريهم صور لغرف مرتبه في البيت ؟ او المكتب و نحاول نخليهم يفكرون بموضوع الدرس اليوم .. لازم يوصلون الى فكرة ان المكان مرتب .. ناس مرتبين وًنعلمهم كلمةtidying up 

نسألهم هذا السؤال Are you a very organized person? 

يشرحون كيف اذا هم منظمين او لا .. 

• يقرون اراء ناس من النت كيف هم منظمين .. و يتكلمون في قروب عن اللي قروه 
• نوريهم صور لغرف ، مطابخ ، او مكاتب منظمة ، نطلب منهم كيف هي منظمة ( كيف مرتبين الاشياء ؟ ) باللون ولا الشكل ولا النوع ؟ 

نوريهم فديو ل اطفال او كبار ينظمون غرفهم و يتكلمون عنه 

5- What is the most memorable lesson you learned from your parents?

نسالهم ايش تعلمتوا من اهاليهم ؟ ايش الدروس القيمة اللي تعلموها و طبقوها. 

ايش الصفة الحسنة اللي اكتسبوها من امهم و ابوهم 

نخليهم يقرون قصص من النت عن ناس تعلموا من اهاليهم .. يطلعون الكلمات الجديده منها و نشرح معناها .. 

يتكلمون عن اللي فهموه 

نوريهم فديوا عن ناس يجاوبون نفس السؤال و يتناقشوا في قروب ايش فهموا

 

بعدها نسالهم هذا السؤال 

What are the lesson that you will teach to your kids  ? In the future ?

نعلمهم يستخدمون Future 

6- Types of feeling ، Emotions ، and Mood

قبل ما نتكلم 

نوريهم صوره فيها وجيه ناس مختلفة المشاعر .. نسالهم عن مشاعرهم في الصورة ( happy - sad - surprised … etc )

نعلمهم كلمات جديده عن المشاعر عشان يوصفون نفسهم اليوم 

بعدها نسالهم هذا السؤال 

What do you do to improve your mood when you are in a bad mood?

نشرح كيف ممكن الواحد يغير من موده 

و نعطيهم امثله و بعدها هم يعطونا ارائهم

يقرون مقال عن كيف الواحد يحاول يطلع من المود السيء 

يتناقشون و يقولون هل يتفقون معها او لا و ليش

نخليهم يكتبون جمل .. او يتكلمون عن هذي النقاط 

7-  Are you a Social person or antisocial person?

How often do you meet or call your friend ?

الطلاب هنا ياخذون فتره قصيره يفكرون بالسؤال 

و يجابون مع بعضهم - نمر عليهم و نسمع اجاباتهم .. ليش يحبوا يقابلوا ناس ؟ وليش ما يحبون ؟ 

نسالهم كيف ممكن يسون صداقات 

يحاولون يجاوبون .. 

نوريهم فديو على نفس السؤال - ياخذون نوت عليها و هل يتفقون عليها او لا..

نوريهم انفوجرافيك . عن طرق كيف الواحد يكون صداقات .. 

يقرونه و يتكلمون عن الطرق اللي يفضلونها 

8- things do you want to be remembered for?

قبل ما اسألهم ، اوريهم صور لناس قديمين .. نتكلم عنها و احاول افهمهم انهم راحوا لكن ممكن تركوا اثر طيب 

بعدين اسالهم السؤال التوبيك 

يبدون يفكرون و يحاولون يجاوبون .. 

يتعلمون كيف يجاوبون بهذي الطريقة مثلا 

I want to be remembered by ….

اسالهم عن شخص في بالهم للان تتذكرونه و .. ايش سوا شي كويس في حياته .. ايش ترك اثر - ايش اخترع .. الخ 

نوريهم صور لمخترعين - مسلمين و غير مسلمين و نسالهم ايش تركوا لنا من شي مفيد 

نطلب منهم يفكرون ب احد ثاني او يبحثون عن طريق النت 

نخليهم يقرون قصص لناس 

How do I want to be remembered?

و يعلقون على الاشياء الكويسه منهم

الاجوبه تكون

 He wants to be remembered for ..

One person say that he wants to be …

The girl said that she wants to be …

9- What is your idea of the perfect day?

نسالهم عن ايامهم الحلوه - كيف قرروا انه يوم حلو 

نسألهم عن 

What do you do in order to have a perfect day ? 

Do you have short term dreams 

and long term dreams ?

نسالهم عن احلامهم و اهدافهم القريبة و البعيدة . 

نوريهم انفوجرافيك عن بعض الطرق اللي تخلي يومهم جميل و ينتهي بشكل حلو 

نخليهم يقرون مقالات قصيرة عن ناس 

يتناقشون مع بعضهم .. و يتكلمون عن اللي فهموه 

نوريهم فديو عن طرق يخلي يومهم جميل و يتكلموا عنه 

10- how long can you go without checking your phone today? 

نسالهم هل هم يستخدمون الجوال كثير او لا .. قد ايش يشيكون عليه كل فترة 

هل يتركونه لفتره 

ايش الاثر منه اذا استخدموه كثير او تركوه 

هل في تسويف او انجاز ؟ 

نخليهم يقرون مقال عن 

3 Reasons Why You Shouldn’t Check Your Phone Within 1 Hour Of Waking Up

يقرون الاسباب و يشرحون ايش فهموا 

يكتبون برقراف عنه او جمل 

اخليهم يشوفون فديو عن شخص ترك جواله ٣٠ يوم 

ايش الاثر و الاحساس ؟ 

..

في النهاية : 

راح اكون سعيدة جدا لو عندكم اي سؤال و اقدر اجاوبكم عليه .. 

و اتمنى المواضيع كانت ممتعة لكم 

.. و ان شاء الله راح تخلونها اكثر متعة بطريقتكم و شرحكم الجميل 

كل استاذ/ة مبدع ب اسلوبه و طرقه. وطبعا راح تبدعون اكثر ..  

شكرا لكم من القلب.. راح انبسط كثير في ارائكم و مشاركاتكم 

سلام 👋🏼