Teaching ideas for Comprehensible Input

 

السلام عليكم ورحمة الله و بركاته

اهلا من سايدووكز ، المدونة التعليمية لكل استاذ/ة و طالب/ة 

في هذه الصفحة راح اتكلم عن طرق تعزز من فهم الطلاب / الطالبات للدرس و تساعدهم يكتبون او يتكلمون عن نفسهم او عن احداث او قصص صارت معاهم .. 

هذي الطرق نقدر نستخدمها في الرايتنق و السبيكنق:

اول طريقة هي 

Sentence strips 

وهي اننا نحط جمل في اوراق صغيرة و الطلاب او الطالبات يرتبونها على حسب الحدث ، القصة او الروتين 

نقدر نستخدم هذه الطريقة عشان 

- نتعلم كيف نقول او نكتب قصة 

- نتكلم او نكتب عن احداث صارت في الماضي ولازم نذكرها بالترتيب 

- نتكلم او نكتب عن روتين يومي و نستخدم فيه 

(First , second , then , after that …etc) 

نقدر نحط الطلاب او الطالبات في قروبات و كل قروب يرتب هذي الاوراق 

بعد كذا ممكن يتكلمون عنها .. و القروبات الثانية يتأكد اذا الترتيب صحيح او لا . 

الطريقة الثانية هي 

Using Visuals 

نستخدم هنا اشياء ملموسة ، صور ، رسومات ، او فديوات

تشد انتباه المتعلمين/ المتعلمات و تذكرهم في بعض الكلمات اللي يقدرون يستخدموها في المحادثة او الكتابة .. 

مثلا ممكن نعرض لهم صور عن حدث معين او روتين و الطلاب او الطالبات يرتبونها في قروبات او بشكلٍ فردي .و بعدها ممكن يعبرون عنها و يستخرجون كلمات اكثر .. 

في النهاية : 

راح اكون سعيدة جدا لو عندكم اي سؤال و اقدر اجاوبكم عليه .. 

و اتمنى المواضيع كانت ممتعة لكم 

.. و ان شاء الله راح تخلونها اكثر متعة بطريقتكم و شرحكم الجميل 

كل استاذ/ة مبدع ب اسلوبه و طرقه. وطبعا راح تبدعون اكثر ..  

شكرا لكم من القلب.. راح انبسط كثير في ارائكم و مشاركاتكم 

سلام 👋🏼